Bulimia... Zer da?

Oraingoan, bulimiari buruzko sarreratxo txiki bat egingo dut. Askotan bi gaixotasunak nahasteko ohitura dago, horregaitik interesgarria iruditu zait biei buruz aparte pixka bat hitz egitea.

Bulimia anorexiarekin lotuta dagoen gaixotasuna da, eta askotan, batera agertzen dira.

Bulimia ere elikadura nahaste bat dela esan daiteke. Gaixotasun honen jatorria biologikoa zein psikologikoa izan daiteke. Bulimia duten pertsonek loditzeko beldur handia sortzen zaie. Nahiz eta bere pisua normala izan, gaixoak beti lodiegi ikusten dute haien burua, eta edozein gauza egiten du argaltzeko. Horregaitik, Normalean, gaixotasun hau jasaten duten pertsonek dieta kaltegarri asko egiten dituzte, medikuaren kontrolik gabe. Elikagaien mugaketak antsietate handia eragiten die, eta horrek kontrolik gabe jatera eramaten die.

Gaixotasun honek jende gazteari eragiten dio, emakumeei, batez ere eta anorexia izan duten pertsonek arrisku handiagoa izaten dute bulimian jaisteko. Gaixotasun honetan bi mota bereiz daitezke:

- Purgagarria: oka egiten dutenak edo laxante eta diuretikoetara jotzen dutenak.
- Ez purgagarria: kirol gehiegi egiten dutenak eta barau egiten dutenak.

Ondorio fisiko garrantzitsuenak honako hauek dira: ahultasuna, buruko mina, hortzetako arazoak, zorabioak, ilea galtzea, hilerokoaren irregulartasuna eta pisu gorabehera handiak. Bulimia kleptomaniarekin (lapurtzera bultzatzen duen gaixotasuna) eta alkoholismoarekin lotuta egon daiteke.


Gaixotasun hau jasaten duten pertsonek depresioa, antsietatea eta autoestimu baxua izan ohi dute. Beren gorputza lodi ikusten dute, nahiz eta hala ez izan. Lotsatu egiten dira eta, horregatik, dieta ugari egiten dituzte.